CEDERNA-GARALUR Elkartearen lan-esparrua Nafarroako Mendialdea da, bere baitan Nafarroako Foru Erkidegoaren erdialdetik iparrerako lurralde-eremu zabala hartzen duena. Nafarroako Mendialdeak 4.900 km2 ditu, 80.000 biztanle, 126 udalerri, eta 100 km muga Frantziarekin.

Aniztasun handiko eta belaunaldiz belaunaldi igarotako ondare aberastasun handiko lurraldea da. Berezko nortasun sendoa duen lurraldea, Mendialdea osatzen duten ibar, eskualde eta arroen aniztasunak mendeetan zehar landua: Erronkari, Zaraitzu, Aezkoa, Erroibar eta Esteribar ibarrak; Bidasoa, Baztan, Leitzaran, Larraun, Ultzama eta Sakana eskualde kantabriarrak, eta Agoitz, Irunberri, Zangoza eta Orbaibar pirinioaurreko arroak.

Partzialki industrializatua dago. Industri ehuna enpresa txiki eta ertainek osatzen dute, eta gehienak eskualde kantabriarretan kokatuta daude. Hala ere, azken urteotan, azpiegiturak eta komunikazioak hobetzeak eta tokiko garapen-politikak enpresa txiki eta ertain horiek Nafarroako Mendialdeko beste eskualdeetara ere hedatzea bultzatu dute, eta, batez ere, bultzada eman diote nekazaritzako elikagaien sektoreari.

Tokian tokiko ekimenak eta tokiko baliabideak baliatzeak, aisiak eta bizi-kalitatea hobetzeak zerbitzu-sektoreari bultzada eman diote azken urteotan. Aipatzekoa da landa-turismoak izan duen gorakada.

Nafarroako Mendialdearen indarguneak

• Natur baliabideen aberastasuna, ingurumen- eta paisaia-balio handikoak
• Kultur ondare aberats baten aniztasuna
• Tokian tokiko produktuen kalitate gero eta hobea
• Kalitatezko landa-turismo xede aintzatetsia
• Kokapen estrategikoa, lurralde mugakidea izanik
• Nekazaritzako elikagaien, eta baso- eta turismo-arloko enpresa-ehun asoziatiboa
• Gizarteak berrikuntzarako eta aldaketarako duen gaitasuna eta borondatea
• Jarduera ekonomikoak duen dibertsifikazio-ahalmena
• Gizartearen, ekonomiaren eta ingurumenaren arteko oreka, usadioen eta modernitatearen artekoa
• Bizitzeko, lana egiteko eta gozatzeko aukera ematen duen landa-lurraldea