CEDERNA - GARALUR Elkartearen azken xedea toki-lankidetzaren bitartez Nafarroako Mendialdearen ekonomia, gizartea eta kultura bultzatzea da.

Horretarako, gure elkartekideei, enpresei, sustatzaileei, enplegu bila dabiltzanei, eta proiektu-sustatzaileei hainbat zerbitzu ematen eta hurbiltzen dizkiegu: aholkularitza, informazioa, laguntza teknikoa eta finantziazioa bilatzea. Aipatu zerbitzuak Nafarroako Mendialdeko ekonomia eta lan-merkatua hobetzera bideratuta daude, nagusiki.

Halaber, Nafarroako Mendialdeak dituen arazoei eta erronkei soluzioak emateko proiektuak proposatzen ditugu, eta laguntza eta aipatu proiektuen berri ematen dugu; ezinbestekoa aukerak baliatzeko, eta zonaldeak dituen baliabideei berriro ere balioa emateko.

Orobat, Nafarroako Mendialdea eskualdeen garapenerako europar politikak eskaintzen dituen aukerez balia dadin, finantziazioa eskuratzea ahalbidetzen duten Europako Batasuneko programetan parte hartzen dugu. Horrela, gure elkartekideek beren eskualdearen garapenean zuzenean jarduteko bitartekoak eskuratzen dituzte.

Gure jarduerak...

• Baliagarriak dira, eskakizun zehatzei soluzioak eta laguntza ematen dietelako
• Malguak dira, eskualde bakoitzaren premiei eta ezaugarriei erantzuten dietelako
• Hurbilekoak dira, onuradunei beren eskualdean bertan egiten baitiete arreta
• Berritzaileak dira, irudimen handiko soluzio, besterengarriak proposatzen dituztelako
• Integratzaileak dira, udalen eta jarduera-sektoreen inplikazioa bilatzen dutelako